Carlos Bulosan
Page Module:Infobox/styles.css has no content.
Carlos Bulosan | |
|---|---|
 Say Bulosan Marker ed Binaloan | |
| Inianak | Carlos Sampayan Bulosan Nobyembre 24, 1913 |
| Inatey | Setyembre 11, 1956 (edad 42) Seattle, Washington, Estados Unidos |
| Say sengegan na impatey | Bronchopneumonia |
| Trabaho | Nobelista, manag-anlong |
Si Carlos Sampayan Bulosan (Nobyembre 24, 1913 - Setyembre 11, 1956) et sakey a Filipino ya nobelista tan manag-anlong ya inmigrante ed Estados Unidos nen Hulyo 1, 1930. Agto la pinmawil ed Pilipinas tan maslak ed bilay to et diad Estados Unidos. Say sankabkabat ya kimey to natan et say semi-autobiographical America Is in the Heart, balet sikatoy akabatik ed sikat lapud 1943 ya salaysay to ed The Freedom from Want.
Nanayam ed ugaw tan inmigrasion
dumaenSi Bulosan et nianak ed saray atateng ya Ilocano diad Pilipinas ed Binalonan, Pangasinan. Nen 1911 so kaslakan ya ipapasen a sankapanmatalkan ya ebat, base ed saray rekord na bautismo to, balet unong ed si Lorenzo Duyanen Sampayan, say kaaro to nen ugaw ni tan kaanakan to, si Bulosan et nianak nen Nobyembre 2, 1913. Say maslak a panaon na impankabalo to et nanayam ed bansa bilang dumaralos. Diad panaon na impankabkabat to, sikatoy tan say pamilya to et pinapairapen na saray mayaman tan politiko ya elite, ya nagmaliw ya sakey ed saray manunan tema na insulat to. Say baley to et say gapoan met na semi-autobiographical novel to, America is in the Heart.
Diad impangiwanwan to ed dakel a Pilipino legan na kolonia na Amerika, sikatoy tinmaynan ed Amerika nen Hulyo 22, 1930, sanen 17 años to, diad ilalo ton makaliktar ed ekonomikon depresyon ed abung to. Agto la lamet anengneng so Pilipinas a kawalaan to. Nen sinmabi ed Seattle, sikatoy inarap na rasismo tan pinapairap to pian mantrabaho na mabli. Sikatoy nan-aani, nan-ani na ubas tan asparagus, tan nansagpot met ed arum nin klase na kimey ed uma na California. Sikatoy nan-dutying met bilang dishwasher kaiba so agi ton si Lorenzo diad sikat ya Madonna Inn diad San Luis Obispo ya binuksan nen 1958 odino ngalngali taloy taon kayari impatey nen Bulosan.
Nen 1936, si Bulosan et mansakit na tuberculosis tan inawit ed Los Angeles County hospital. Diman et taloran operasyon to tan duay taon ton nanayam, maslak ed sikara et diad convalescent ward. Legan na andukey ya impanayam tod ospital, lanang ya uusaren nen Bulosan so panaon to ed panagbasa tan pisulat.